Ang Tawag sa Binuhat ngadto sa Pagkahan-ay, Lugar, ug Katuyoan nga Gihimo siya sa Diyos.
O Labing Balaan nga Trinidad, pinaagi sa pagpataliwala ni Maria nga among Inahan, tugoti ako sa pagsulod karon sa Imong Kabubut-on. Dugang pa, ihatag kanako ang Imong Kamot ug ibutang ako sa kadako sa Imong Kabubut-on, aron walay mabuhat nga dili epekto sa imong Labing Balaan nga Kabubut-on. Akong tuyo, Ginoo, nga ang tanan nakong mga buhat karong adlawa, gamay ug dako, natural ug espirituhanon, magsilbi aron ang kinabuhi sa Imong Kabubut-on motubo sa akong pagkatawo, sa Imong Simbahan, ug mahimong usa ka padayon nga pag-ampo nga nagsubli: "Umari unta ang Imong gingharian, matuman ang imong kabubut-on, dinhi sa yuta maingon sa langit.
Akong Inahan, gihigugma ko ikaw, gihigugma mo usab ako, ug hatagi ako usa ka tim-os nga gasa sa Kabubut-on sa Diyos alang sa akong kalag. Hatagi usab ako sa imong panalangin, aron mahimo nako ang tanan nakong mga lihok ubos imong pagtan-aw among inahan. Inahan, gibutang ko ang akong tibuok adlaw sa imong sabakan.
Si San Hannibal di Francia usa ka talagsaon nga mga kompesor ni Luisa. Nainspire kaayo siya sa espirituhanon nga mga sinulat ni Luisa nga nagtukod siya ug duha ka Relihiyosong Order: ang Rogationist Fathers ug ang Daughters of the Divine Zeal. Siya gideklara nga Bulahan pinaagi ni Pope John Paul II niadtong 7 Oktubre 1990, ug gikanonized niadtong 16 Mayo 2004. Sa ulahing mga tuig sa iyang kinabuhi, nagsulat siya niini nga yano nga chaplet nga pwede gamiton ang Rosary Beads. Adlaw-adlaw nga gipangadye niya kini nga chaplet, kasagaran labaw pa sa usa ka higayon, labi na sa iyang ulahing sakit.
O Balaang Santisima Trinidad,
gitudloan kami sa among Ginoong Hesu Kristo nga samtang kami mag-ampo, mangayo kami nga kanunayng maghimaya sa imong Ngalan sa among Amahan, nga matuman ang Imong Kabubut-on dinhi sa yuta, ug nga ang Imong Gingharian maghari sa among taliwala.
Sa among dakong tinguha nga ipahibalo kini nga Gingharian sa gugma, hustisya, ug kalinaw, mapaubsanon kami nga naghangyo nga Imong himayaon ang Imong Alagad nga si Luisa, ang Mapaubsanong Anak sa Imong Diosnong Kabubut-on, nga uban sa iyang kanunayng pag-ampo ug pag-antos, uban sa dakong tinguha alang sa kaluwasan sa mga kalag ug sa pag-abot sa Imong Gingharian dinhi sa kalibutan.
Subay sa iyang panig-ingnan, kami nag-ampo kanimo, Amahan, Anak, ug Espiritu Santo nga tabangan kami nga malipayong dawaton ang mga krus ning kalibutana aron kami usab mahimong makahimaya sa Imong Ngalan ug makasulod sa Gingharian sa Imong Kabubut-on.
Amen.